Friday ngayon

Kaya nagsimba kami ni mama sa Quiapo.

Oo, sa simbahan ng Quiapo. The home of the original Black Nazarene.

Bakit kamo?

Dahil libre doon ang sauna. And, according to a very reliable source, iyon din ang pinakamabisang paraan para mahawa ng iba't-ibang uri ng sakit gaya ng ubo, sipon, sore eyes, tigdas, ketong at dandruff. Bukod pa sa mga nabanggit na dahilan, kakaiba din ang experience ng pagpunta sa Quiapo. Akalain mo, ang mga sampaguita vendors nila e hindi nagtitinda kapag hindi naka-pin ang ID! Doon, makakasalamuha mo rin ang masang Pilipino na malamang e bumoto kay FPJ nung nakaraang eleksyon. Na pagkatapos magsimba ay nagpapahula sa mga manang sa gilid ng simbahan gamit ang crystal balls, tarot cards at mga peklat sa palad. O kaya ay bumibili ng mga boteng flat o lapad na may nakasulat na PAMPA-R*GLA sa harap. Na akala ko dati e para sa mga baklang gustong maging babae dahil lalaki ang una kong nakitang bumili nun. Pero hindi pala.

So ayun nga, nagsimba kami.

Medyo kakaiba pala dun. Kasi after every mass e magsi-sprinkle ng holy water ang pari. Kaya naman pagkatapos ng communion e nagsisiksikan papunta sa harap ang mga tao. Dahil feeling yata nila e hindi diringgin ni Lord ang mga prayers nila pag hindi sila nawisikan ng tubig.

At eto pa, habang nagwiwisik ng tubig ang pari at kinakanta ang special song for the black nazarene, kailangan e itaas mo ang iyong mga kamay. Kung iniisip mo na ito ay tulad lamang ng ginagawa ni Bro. Eddie o ng mga El Shaddai people, nagkakamali ka. Dahil iba ang mga tao sa Quiapo. Meron silang dalang mga props.

At sa aking pagmamasidmasid kanina, ito ang top ten props na napansin kong inihanda nila.

1. prayer book/copy ng novena/rosary
2. statue ng Black Nazarene, Virgin Mary o Sto. Nino (kahit mabigat, why not?)
3. mga estampita/kwintas na ititinda mamaya (para pwede nilang sabihin sa mga bibili na napa-bless na to)
4. long brown envelope w/ plastic cover (mga magboboard exam na umaasang papasa
pag nabendisyunan ang lapis)
5. shoulder bag (at sino ang makapagsasabi na fake ang prada ko?)
6. wallet (sana miraculously e magkaroon ng laman)
7. ticket ng lotto (jackpot!)
8. passport (sana po matuloy ang pagjajapan ko)
9. celfone (mahina ang signal dito)
10. siopao sa loob ng green na plastic (tsalap!)

"mommy, nakita mo ba yung blue slippers ko?"